Fréttir

Stýrihópur á vegum sveitarfélaganna Rangárþings ytra, Rangárþings eystra og Skaftárhrepps stendur fyrir málstofu um stefnumörkun á sviði samgangna og ferðaþjónustu í Hvolnum, Hvolsvelli miðvikudagskvöldið 27 febrúar kl. 19.30. Stór-Fjallabakssvæðið tekur yfir stærstan hluta af hálendissvæðum sveitarfélaganna þriggja sem standa að verkefninu.

Þann 7. mars næstkomandi fer fram framtíðarþing um farsæla öldrun og er óskað eftir þátttakendum á þingið. Áhugasamir vinsamlegast tilkynnið þátttöku á netfangið framtidarthing@gmail.com eða í síma 693 9508 eigi síðar en 25. febrúar nk. Taka þarf fram nafn, kennitölu og síma. Þátttaka er öllum heimil og án endurgjalds. Boðið verður upp á veitingar.

Rótarýklúbbur Rangæinga í samvinnu við Landgræðsluna  heldur málþing í Gunnarsholti þriðjudaginn 19. febrúar n.k. Á málþinginu verður fjallað um ýmsar spurningar um ráðstöfun á landi. Umræðan kemur því inn á þá miklu auðlind sem land er og áleitnar spurningar um hverjir eiga að ákveða hvernig því er ráðstafað.

Meistaraflokkur karla í körfubolta Ungmennafélagsins Heklu leikur við Aftureldingu frá Mosfellsbæ en leikurinn fer fram miðvikudaginn 20. febrúar kl. 20:00 í íþróttahúsinu á Hellu. Við hvetjum sem flesta til að mæta!

Kolbrún Sigþórsdóttir starfandi skólastjóri Laugalandsskóla mætti á fund hreppsráðs sem haldinn var 15. febrúar sl. Tilefnið var að Laugalandsskóli hefur tekið þátt í Stóru upplestrarkeppninni undanfarin 11 ár og unnið keppnina allar götur síðan ef undan er skilið fyrsta árið.

Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum: 1301007 - Minni-Vellir, Rangárþingi ytra og 1301032 - Svínhagi, lóð SH5, Rangárþingi ytra. Tillögurnar liggja frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is

Sveitarfélögin Rangárþing ytra, Rangárþing eystra og Skaftárhreppur hafa skipað vinnuhóp til að vinna að sameiginlegri stefnumörkun í sviði samgangna og ferðaþjónustu á hálendissvæðum sveitarfélaganna. Steinsholt sf. vinnur með stýrihópnum sem skipulagsráðgjafi verkefnisins.

29. fundur hreppsráðs Rangárþings ytra, á kjörtímabilinu 2010 - 2014, verður haldinn að Suðurlandsvegi 3, Hellu, föstudaginn 15. febrúar 2013, kl. 09:00. 7 liðir eru á dagskrá.

Samkvæmt 2. mgr. 32. gr. Skipulagslaga nr. 123/2010 er hér auglýst niðurstaða sveitastjórnar Rangárþings ytra varðandi breytingar á aðalskipulagi. Sveitastjórn Rangárþings ytra samþykkti tillögu að breytingu á Aðalskipulagi Rangárþings ytra 2010-2022. Tillagan var endurauglýst vegna formgalla í fyrri auglýsingu frá 5. des 2012 til 16. jan 2013. Engar athugasemdir bárust og hefur hún verið send Skipulagsstofnun til staðfestingar.

Í tilefni af 112 deginum í dag, 11. febrúar, verður opið hús hjá Flugbjörgunarsveitinni Hellu í kvöld milli kl 20 - 22.  Kaffi á könnunni. Allir velkomnir, félagar FBSH.