Fréttir

Bandaríski sendiherrann á Íslandi Mr Robert Barber heimsótti Helluskóla í dag til þess m.a. að kynna sér stórmerkilegt verkefni sem nemendur skólans vinna með Landvernd og Landgræðslunni. Um er að ræða verkefni í vistheimt en nemendur 7. bekkjar mældu í dag gróðurþekju í tilraun sem þeir lögðu út síðasta vor. Sjá frétt á RUV

Rangárþing ytra hefur fengið boð um þátttöku í spurningaþættinum Útsvari sem brátt hefur árvissa göngu sína á RÚV. Liðið er klárt - það sama og í fyrra - að sjálfsögðu. Hreinn, Harpa Rún og Steinar. Nú verður tekið á því!

Rangárþing ytra og Ásahreppur hafa gert samning til framtíðar við sóknarnefnd Oddasóknar um nýtingu á Menningarhúsinu á Hellu fyrir viðurkennt félagsstarf í sveitarfélögunum, á sviði menningar- og mannúðarmála og til félagsstarfs eldri borgara. Reynslan af Menningarhúsinu hefur verið gríðarlega góð og mikil ánægja með samstarfið á allan hátt.

Umhverfisverðlaun Rangárþings ytra árið 2015 voru afhent við skemmtilega athöfn í Miðjunni á Hellu nú í kvöld. Verðlaun voru veitt í fjórum flokkum en það er Umhverfisnefnd sveitarfélagsins sem hefur veg og vanda af valinu. 

Umsóknarfrestur um starf markaðs- og kynningarfulltrúa Rangárþings ytra rann út þann 5. ágúst sl. og bárust 23 umsóknir. Verið er að vinna úr umsóknum og taka viðtöl við umsækjendur en gert er ráð fyrir að ráða í starfið nú á haustdögum. Hér er listi yfir umsækjendur...  

Skólasetning Laugalandsskóla verður mánudaginn 24. ágúst kl. 10:00. Þá fá nemendur stundarskrá og hitta umsjónarkennara. Frá og með þriðjudeginum 25. ágúst mæta allir skv. stundarskrá kl. 08:30.

Grunnskólinn á Hellu verður settur þriðjudaginn 25. ágúst n.k. Skólasetning fer fram í íþróttahúsinu og hefst kl. 11:00. Kennsla skv. stundaskrá hefst miðvikudaginn. 26., ágúst kl. 08:10.

13. fundur byggðarráðs Rangárþings ytra verður haldinn að Suðurlandsvegi 1-3, miðvikudaginn 19. ágúst 2015 og hefst kl. 15:00  

Leitað er eftir starfsfólki til vinnu við leikskólann Heklukot. Heklukot er þriggja deilda leikskóli með um 65 nemendur frá eins til fimm ára og er markvisst unnið eftir stefnu Grænfánans og Heilsustefnunnar.

Heimsleikar Íslenska hestsins fóru fram í Danmörku í liðinni viku. Rangæingar voru fjölmennir í landsliði Íslands og stóðu sig frábærlega. Guðmundur Björgvinsson á Efri-Rauðalæk varð heimsmeistari í fjórgangi með Hrímni frá Ósi og Reynir Örn Pálmason á Króki heimsmeistari í fimmgangsgreinum.