Fréttir

Nú fyrir jólin hélt söngkonan Írena Víglundsdóttir styrktartónleika á Hellu fyrir SOS Barnaþorpin.  Tónleikarnir voru haldnir í Menningarsalnum við Dynskála í desember og var uppselt á báða tónleikana. Frábært framtak hjá Írenu og við óskum henni alls hins besta í þeim verkefnum sem hún tekur sér fyrir hendur í framtíðinni.

Vefmæling á vefnum www.ry.is hófst þann 8. mars 2012 og hafa heimsóknir á vefsíðuna síðan þá verið 24.398 talsins. Þar af eru 7.127 heimsóknir frá einstökum aðilum eða einstökum tölvum. Síðan hefur verið skoðuð 1.924 sinnum í gegnum snjallsíma eða spjaldtölvu. Innan síðunnar hefur verið flakkað 91.218 sinnum. Hver notandi dvelur að meðaltali um 3 mínútur og 25 sekúndur inni á síðunni.

Lokað er á aðfangadag og gamlársdag en annars er opið frá kl. 10:00 – 15:00 virka daga. Athugið breyttan opnunartíma eftir áramót! Opið verður frá kl. 9:00 – 15:00 mánudaga til fimmtudaga frá og með 1. janúar 2013. Föstudaga verður opið frá kl. 9:00 – 13:00. Sími félagsþjónustu verður opinn frá 9:00 – 16:00 mánudaga til fimmtudaga.

Sveitarstjórn Rangárþings ytra færir íbúum, starfsfólki, samstarfsaðilum og öðrum samskiptaaðilum bestu óskir um gleðileg jól og farsælt komandi ár með þökk fyrir samstarfið og samskiptin á árinu sem er að líða.

Skv 2.mgr 10.gr laga um húsaleigurbætur nr. 138/1997 þarf að sækja skal um húsaleigubætur fyrir hvert almanaksár og gildir umsóknin til ársloka. Umsókn skal hafa borist til skrifstofu Rangárþings ytra, Suðurlandsvegi 1, 850 Hellu, eigi síðar en 15. Janúar 2013. Skrifstofa Rangárþings ytra.

40. fundur sveitarstjórnar verður haldinn að Suðurlandsvegi 3 þann 20. desember kl. 20:30. 17 liðir eru á dagskrá auk nokkurra undirliða.

Gámaþjónustan mun gera smávægilegar breytingar á sorphirðu á Hellu um jólin. Breytingarnar eru þannig að í staðinn fyrir að losa á Hellu fyrir jól verður það gert eftir þau eða 27. Des. Þetta er í raun talið koma betur út fyrir íbúa. Gámaþjónustan mun senda frá sér nýtt dagatal fyrir sorphirðu ársins 2013 á næstu dögum

Útistofa við Grunnskólann á Hellu var vígð í morgun, mánudaginn 17. desember.  Nemendur og starfsmenn fylktu liði út í Rjóður þar sem útistofan er. Einnig mætti nokkur fjölda gesta. Sigurgeir skólastjóri mælti nokkur orð og lýsti því formlega yfir að nú væri útistofan formlega tekin í notkun og þá talaði séra Guðbjörg og fór með bæn.

Laus er til umsóknar staða leikskólastjóra við leikskólann Heklukot á Hellu sem er í Rangárþingi ytra. Heklukot er þriggja deilda leikskóli, með um 60 dvalarpláss fyrir börn á aldrinum eins til fimm ára. Heklukot fékk Grænfánann afhentan sl. vor og er unnið að innleiðingu á heilsustefnunni í leikskólanum.

Eins og margir hafa séð þá hefur verið sett upp jólatré við móttöku sveitarfélagsins á 3. hæð Miðjunnar á Hellu. Jólatréð er fengið frá Skógræktarfélagi Rangæinga og kemur það úr Bolholtsskógi á Rangávöllum.