Íbúafundur verður haldinn í íþróttahúsinu á Hellu 24. janúar n.k. kl. 20.00. Á fundinum verða kynntar hugmyndir um nágrannavörslu ásamt kynningu á fjárhagsáætlun 2013-2016. Að loknum þessum liðum verða umræður og fyrirspurnir um framangreinda liði og önnur málefni sveitarfélagsins.
42. fundur -aukafundur- hreppsnefndar verður haldinn að Suðurlandsvegi 3 á Hellu, miðvikudaginn 16. janúar 2013, kl. 16.30. FUNDARBOÐ OG DAGSKRÁ:
1. Umsókn um tímabundna hækkun á yfirdráttarheimild í Arion banka.
Ný þjónusta sem býður fyrirtækjum í ferðaþjónustu að auglýsa frítt
Vefsíðan www.wheniniceland.com er ný þjónusta sem hefur það að markmiði að auðvelda erlendum ferðamönnum að finna þjónustu og afþreyingu við sitt hæfi á Íslandi. When in Iceland býður því íslenskum fyrirtækjum að auglýsa á vefsíðunni sér að kostnaðarlausu.
41. fundur hreppsnefndar Rangárþings ytra, á kjörtímabilinu 2010 - 2014
41. fundur hreppsnefndar Rangárþings ytra, á kjörtímabilinu 2010 - 2014, verður haldinn að Suðurlandsvegi 3 á Hellu, föstudaginn 11. janúar 2013, kl. 13.00.
Menningarráð Suðurlands auglýsir styrki til menningarmála
Menningarráð Suðurlands auglýsir eftirfarandi styrki fyrir árið 2013:
a) verkefnastyrkir b) stofn- og rekstrarstyrkir
Umsóknarfrestur rennur út 17. febrúar 2013
Nánari upplýsingar veitir menningarfulltrúi Suðurlands Dorothee Lubecki í síma 896-7511 eða á menning@sudurland.is
Írena safnaði nærri hálfri milljón fyrir SOS Barnaþorpin á Haítí
Nú fyrir jólin hélt söngkonan Írena Víglundsdóttir styrktartónleika á Hellu fyrir SOS Barnaþorpin. Tónleikarnir voru haldnir í Menningarsalnum við Dynskála í desember og var uppselt á báða tónleikana. Frábært framtak hjá Írenu og við óskum henni alls hins besta í þeim verkefnum sem hún tekur sér fyrir hendur í framtíðinni.
Vefmæling á vefnum www.ry.is hófst þann 8. mars 2012 og hafa heimsóknir á vefsíðuna síðan þá verið 24.398 talsins. Þar af eru 7.127 heimsóknir frá einstökum aðilum eða einstökum tölvum. Síðan hefur verið skoðuð 1.924 sinnum í gegnum snjallsíma eða spjaldtölvu. Innan síðunnar hefur verið flakkað 91.218 sinnum. Hver notandi dvelur að meðaltali um 3 mínútur og 25 sekúndur inni á síðunni.
Opnunartími skrifstofu Rangárþings ytra og Félagsþjónustu Rangárvalla- og Vestur-Skaftafellssýslu
Lokað er á aðfangadag og gamlársdag en annars er opið frá kl. 10:00 – 15:00 virka daga. Athugið breyttan opnunartíma eftir áramót! Opið verður frá kl. 9:00 – 15:00 mánudaga til fimmtudaga frá og með 1. janúar 2013.
Föstudaga verður opið frá kl. 9:00 – 13:00. Sími félagsþjónustu verður opinn frá 9:00 – 16:00 mánudaga til fimmtudaga.
Sveitarstjórn Rangárþings ytra færir íbúum, starfsfólki, samstarfsaðilum og öðrum samskiptaaðilum bestu óskir um gleðileg jól og farsælt komandi ár með þökk fyrir samstarfið og samskiptin á árinu sem er að líða.