Bókasöfn

Bókasafnið í Grunnskólanum á Hellu er starfrækt sem skólabókasafn og jafnframt sem almenningsbókasafn. Hlutverk bókasafnsins er að þjóna íbúum Rangárþings ytra, nemendum, kennurum og öðru starfsfólki skólans. Á skólatíma er safnið opið fyrir nemendur og starfsmenn.

Almennur opnunartími bókasafnsins frá 1. september til 31. maí:

• Mánudaga frá kl. 16:00 - 17:30
• Fimmtudaga frá kl. 20:00 - 21:00

Almennur opnunartími bókasafnsins frá 1. júní til 31. ágúst:

• Fimmtudaga frá kl. 20:00–21:00

Útlánstími bóka er almennt fjórar vikur nema á nýjum bókum, en útlánstími þeirra er aðeins ein vika. 

Allar bækur og annað efni í eigu safnsins er skráð í bókasafnskerfið leitir.is.

Safnkostur telur u.þ.b. 14.000 eintök. Nokkuð gott handbókasafn er til staðar og fer það stækkandi. Bækur eru pantaðar jafnt og þétt yfir árið en flestar berast í nóvember og desember þegar framboð nýrra bóka er mest.

Vinnuaðstaða er til staðar á safninu og útlán eru gjaldfrjáls fyrir alla íbúa Rangárþings ytra. 

Símanúmer safnsins eru 488 7026.

Forstöðumaður Bókasafnsins á Hellu er Birta Huld Halldórsdóttir.