Fréttir

Vegna skipulagsbreytinga mun Steinsholt sf. annast þjónustu vegna skipulags- og byggingamála í Rangárvallasýslu tímabundið. Skrifstofan að Ormsvelli 1 á Hvolsvelli verður opin mánudaga og fimmtudaga frá kl. 9.00 til 12.00. Sími á skrifstofu er 487 1200. Utan opnunartíma er hægt að hafa samband við Gísla Gíslason í síma 487 7800.

Ein af meginstoðum atvinnulífs í Rangárþingi ytra er ferðaþjónusta.  Samkvæmt frétt af heimasíðu Hagstofu Íslands fjölgar gistinóttum í júlí 2012 úr 254.900 samanborið við 227.500 í júlí 2011 eða um 12%. Á Suðurlandi voru 37.900 gistinætur á hótelum í júlí sem er rúmlega 10% aukning samanborið við fyrra ár.

Fundaröðin er haldin sameiginlega af Mannvirkjastofnun (MVS), Samtökum iðnaðarins (SI), Arkitektafélagi Íslands (AÍ), Félagi byggingarfulltrúa (Fb) og Sambandi íslenskra sveitarfélaga.  Um er að ræða ráðstefnu á hverjum stað, þar sem flutt verða formleg erindi um stöðuna.

Í upphafi skólaársins er vert að huga að öryggi og velferð barna okkar, sama hvort þau eru að stíga sín fyrstu skref í grunnskólanum eða að hefja sitt síðasta ár í námi. Vátryggingafélagið VÍS hefur sent sveitarfélaginu eftirfarandi gátlista og beðið um að koma honum fyrir augu foreldra.

Föstudaginn 31. ágúst n.k. eru hundrað ár liðin frá vígslu fyrstu brúarinnar yfir Ytri-Rangá við Hellu. Þess verður minnst með stuttri athöfn við Handverkshúsið á Hellu, meðal annars afhjúpað skilti þar sem sagan verður rakin nánar í máli og myndum. Gestum verður boðið uppá kleinukaffi að hætti Handverkshússins og hefst athöfnin klukkan 16:30.

Átak til atvinnusköpunar er styrkáætlun iðnaðarráðuneytisins fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja. Nýsköpunarmiðstöð Íslands hefur umsjón með umsóknarferlinu fyrir hönd iðnaðarráðuneytisins. Umsóknarfrestur haustið 2012 er 20. september.

Meðfylgjandi er kynningarbréf frá Tryggingastofnun vegna barnalífeyris vegna náms eða starfsþjálfunar. Það er mikilvægt að koma þessu bréfi til flestra sem vinna með ungmennum 18-20 ára sem gætu átt rétt á greiðslum. Til þess að fá greiddan barnalífeyri vegna náms eða starfsþjálfunar frá 1. september þarf að skila inn fullgildri umsókn og fylgigögnum í ágúst.

Í dag tekur til starfa Álfhildur Þorsteinsdóttir, talmeinafræðingur, sem hefur verið ráðin til sveitarfélagsins til að sinna talþjálfun barna á leik- og grunnskólaaldri. Álfhildur verður í 40% starfi og mun hafa aðsetur í leikskólanum Heklukoti á Hellu. Þessi aukna þjónusta mun áreiðanlega koma mörgum fjölskyldum til góða, sem hingað til hafa þurft að sækja hana til Reykjavíkur með tilheyrandi kostnaði og vinnutapi.

Breytingin tekur til breyttrar landnotkunar í landi Svínhaga landnr. 164560 og Þingskála landnr. 164567 á Rangárvöllum. Inn í aðalskipulag koma 3 nýjar efnisnámur, E55 sem er malar- og sandnáma og verður 30.000m3 og er við Þingskála, einnig E56 sem er bergnáma, 30.000m3 og staðsett við Svínhaga. Þá er gert ráð fyrir malar- og sandnámu í landi Svínhaga sem fær heitið E57 og gert ráð fyrir allt að 30.000m3.

Nú hefur ný skoðanakönnun verið sett í gang og verður hún í gangi næstu 2 vikur. Sú skoðanakönnun sem hafði verið í gangi um nágrannagæsluna var tekin niður um leið. Í nýrri skoðanakönnun er spurt hvort að fólk sé ánægt með fyrirkomulag Töðugjalda eins og það hefur verið undanfarið.