Fréttir

Eftirfarandi var birt á vefnum www.dfs.is: Íbúar í Rangárvallasýslu hafa sett sig í samband við DFS og kvartað undan því að heilsugæslustöðvarnar á Hvolsvelli og Hellu eru báðar lokaðar í dag. Íbúar eru hissa á þessu og vita ekki ástæðuna.

Í tengslum við verkefnið Grænn apríl verður gert átak í hreinsun þann 20. apríl nk. „Einn svartur ruslapoki“. Þar sem Olís er þátttakandi í Grænum apríl hefur verið ákveðið að Olís gefi einn svartan ruslapoka til þeirra sem koma og leita eftir því. Íbúar sveitarfélagsins eru hvattir til að taka þátt í verkefninu og nýta framlag Olís til þess.

Íbúafundur um staðsetningu á vindmyllum innan Rangárþings ytra verður haldinn þann 18. apríl 2013 kl. 20.00 í Íþróttahúsinu í Þykkvabæ skv. ákvörðun Skipulagsnefndar. H. Birgir Haraldsson, skipulags- og byggingarfulltrúi Rangárþings ytra, Steingrímur Erlingsson og Snorri Sturluson f.h. Biokraft ehf. og Friðrik Magnússon f.h. Kartöfluverksmiðjunnar í Þykkvabæ munu sitja fundinn og svara spurningum eftir þörfum.

Rangárvalladeild Geysis stóð fyrir tveimur reiðnámskeiðum í vetur. Barnanámskeið var undir stjórn Heiðdísar Örnu Ingvarsdóttur og námskeið fyrir 14 ára og eldri undir stjórn Ísleifs Jónassonar. Barnanámskeiðið var sennilega með því ódýrasta í landinu, eða 3.000 krónur á barn fyrir 5 skipti, vegna þátttöku Hestamannafélagsins Geysis í kostnaðinum.

Aðalfundur Skógræktarfélags Rangæinga verður haldinn mánudaginn 15. apríl n.k. í Árhúsum á Hellu og hefst hann kl. 20.00. Dagskrá: 1. Venjuleg aðalfundarstörf. 2. Viðurkenning veitt fyrir fallegan skógarreit í sýslunni. 3. Önnur mál. - Kaffihlé - 4. Fræðsluerindi:  Berjarunnar - ræktun og klippingar í umsjón  Kristins H. Þorsteinssonar, garðyrkjufræðings.

Kjörskrá Rangárþings ytra vegna Alþingiskosninga laugardaginn 27. apríl 2013, mun liggja frammi á skrifstofu sveitarfélagsins að Suðurlandsvegi 1-3, Hellu frá 17. apríl fram að kjördegi. Skrifstofan er opin frá kl. 9 – 15 mánudag til fimmtudags og frá kl. 9 – 13 föstudaga.

Logi Geirsson handboltahetja verður með fyrirlestur um sjálfstraust og sjálfsaga í íþróttahúsinu á Hellu fimmtudaginn 11. apríl og hefst hann kl. 19.00.  Fyrirlesturinn er byggður upp á leiðum til að ná hámarks árangri jafnt í leik og starfi og er frábær skemmtun í bland við að veita áhorfandanum innblástur.

Lausar eru stöður deildarstjóra og sérkennslustjóra við leikskólann Heklukot á Hellu sem er í Rangárþingi ytra. Heklukot er þriggja deilda leikskóli, með um 60 dvalarpláss fyrir börn á aldrinum eins til fimm ára. Heklukot fékk Grænfánann afhentan sl. vor og er unnið að innleiðingu á heilsustefnunni í leikskólanum.

Sunnudaginn 10. mars sl. var stjórn Ólafssjóðs og kvenfélögum þeim sem að honum standa boðið til kaffisamsætis á Lundi. Tilefnið var að þakka fyrir þá höfðinglegu gjöf sem þessi félög færðu Lundi en það er standlyftari að verðmæti rúmlega 700.000.- kr. Á myndinni er hjúkrunarforstjóri Lundar með gefendum.

Eftirfarandi upplýsingar bárust frá Gámaþjónustunni í dag vegna sorplosunar um páskana: "Það urðu smá breytingar á sorphirðu nú um Páskana, það sem var merkt á dagatalinu gult á laugardaginn var ekki tekið þá heldur erum við að vinna á því svæði núna. Við erum samkvæmt áætlun á Hellu núna."