Fréttir

Stefnt er að því að halda íbúafund í marsmánuði um eftirfarandi málefni: - Fyrirhugaða viðbyggingu við Grunnskólann á Hellu - Nýjan leikskóla á Hellu - Fjárhagsmál sveitarfélagsins

Stjórn Brunavarna Rangárvallasýslu kom saman til fundar þann 20.2.2020 og undirritaði verksamning við Ingólf Rögnvaldsson frá Trésmiðju Ingólfs ehf um 2. áfanga við byggingu nýrrar slökkvistöðvar á Hellu.

Næsti sveitarstjórnarfundur verður þriðjudaginn 17. Mars kl. 16:00

Auglýsing um skipulagsmál í Rangárþingi ytra Samkvæmt 3. mgr. 40. gr. Skipulagslaga nr. 123/2010 eru hér kynntar lýsingar að eftirfarandi deiliskipulagsáætlunum. Hagakrókur, Rangárþingi ytra Svínhagi 3, Rangárþingi ytra ------------------------------ Samkvæmt 1. mgr. 41. gr. Skipulagslaga nr. 123/2010 er hér kynnt tillaga að eftirfarandi deiliskipulagsáætlun Gíslholt, Rangárþingi ytra, deiliskipulag

Auglýst er eftir aðstoðarleikskóla-stjóra til starfa í 50% stöðu frá 1. mars 2020 við leikskólann Heklukot á Hellu í Rangárþingi ytra sem er um 100 km frá Reykjavík.

Rafmagnsleysi vegna bilana hjá RARIK á veitusvæði Rangárveitna er nú yfirstaðið. Dælur hitaveitunnar starfa því að mestu leyti með eðlilegum hætti. Nokkurn tíma tekur að ná upp þrýstingi á kerfi hitaveitunnar en íbúar í Rangárþingi ytra og eystra og Ásahreppi ættu að vera komnir með heitt vatn þegar kvöldar. Starfsfólk Veitna er nú að flytja varaafl á staðinn sem nýta má verði frekara rafmagnsleysi á svæðinu.

Truflanir hafa verið á afhendingu á köldu vatni í morgun vegna rafmagnsleysis í Landsveit og Holtum. Búið er að gangsetja varaflstöðvar í dælustöð í Lækjarbotnum og vatn á að vera komið á að nýju.

Vegna rafmsagnsleysis hjá RARIK er engu heitu vatni dælt frá Laugalandi og Kaldárholti þar sem framleiðsla heits vatns fyrir Rangárveitur á sér stað. Rangárveitur þjóna Rangárþingi ytra og eystra og Ásahreppi,

Vegna afar slæmrar veðurspár hafa stjórnendur leik- og grunnskóla á Hellu og Laugalandi ákveðið að fella alfarið niður skólahald á morgun, föstudag 14. febrúar.

19. fundur sveitarstjórnar Rangárþings ytra verður haldinn að Suðurlandsvegi 1-3, 13. febrúar 2020 og hefst kl. 16:00