Auglýsing um skipulagsmál í Rangárþingi ytra
Samkvæmt 3. mgr. 40. gr. Skipulagslaga nr. 123/2010 eru hér kynntar lýsingar að eftirfarandi deiliskipulagsáætlunum.
Hagakrókur, Rangárþingi ytra
Á fundi sveitarstjórnar Rangárþings ytra þann 13. febrúar sl var landeiganda veitt heimild til að leggja fram deiliskipulag af spildu sinni. Afmarkaðir verða byggingareitir/lóðir fyrir íbúðarhús, sumarhús og skemmu með aðkomu frá Hagabraut (nr. 286). Íbúðarhús og skemma munu verða staðsett á flöt samsíða Hagabraut. Einnig verða afmarkaðir tveir byggingareitir/lóðir fyrir sumarhús efst í halla sem liggur að Högnalæk Hagaleiru.
Svínhagi 3, Rangárþingi ytra
Á fundi sveitarstjórnar Rangárþings ytra þann 13. febrúar sl var landeiganda veitt heimild til að leggja fram deiliskipulag af spildu sinni. Landeigendur áforma að byggja íbúðarhús og aðstöðu til að setjast að á svæðinu. Fyrirhugað er að gera deiliskipulag fyrir svæðið þar sem ný vegtenging frá Þingskálavegi liggur inn á svæðið skammt norðan við Kanastaðalæk og fyrirhugað er að reisa á svæðinu 200 m² íbúðarhús/bílskúr og 250 m² skemmu/fjárhús í einni til fjórum byggingum.
Lýsingarnar eru til kynningar á opnunartíma hjá Skipulagsfulltrúa, Suðurlandsvegi 1-3, Hellu og á heimasíðu Rangárþings ytra, www.ry.is Skila má ábendingum við efni lýsingar til skipulagsfulltrúa Rangárþings ytra í síma 488-7000 eða með tölvupósti birgir@ry.is
Kynningu lýsinganna lýkur föstudaginn 6. mars nk, klukkan 15.00
------------------------------
Samkvæmt 1. mgr. 41. gr. Skipulagslaga nr. 123/2010 er hér kynnt tillaga að eftirfarandi deiliskipulagsáætlun
Gíslholt, Rangárþingi ytra, deiliskipulag
Á fundi sveitarstjórnar Rangárþings ytra þann 13. febrúar sl var landeiganda veitt heimild til að leggja fram deiliskipulag af svæðum úr jörð sinni. Hjá Þjóðskrá eru skráðar 9 lóðir í landi Gíslholts en einungis tvær hafa byggst upp. Með gerð deiliskipulags verða lóðir hnitsettar og settir skipulagsskilmálar fyrir þær. Á einni lóðinni er eldra íbúðarhús sem er á jörðinni. Afmörkuð verður ný lóð fyrir skemmu. Sú lóð verður á svæði þar sem efnistaka hefur farið fram en er nú lokið, þ.e. á því svæði sem áður var náma E17. skv. aðalskipulagi er gert ráð fyrir áframhaldandi efnistöku austan við nýju lóðina. Einnig verða afmarkaðar tvær nýjar íbúðarlóðir, hvor um 1 ha að stærð.
Tillagan liggur frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is
Frestur til að skila inn athugasemdum er til 1. apríl 2020
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
skipulagsfulltrúi.