Töðugjaldahlaupið verður haldið föstudaginn 16. ágúst kl. 16. Það verður upphitun og stemning frá kl. 16 og svo verður ræst um kl. 16.20.
RÆST VERÐUR FRÁ SYÐRI BOLLANUM Á BAKKA RANGÁR VIÐ ÞRÚÐVANG Á HELLU (BEINT Á MÓTI LEIKSKÓLALÓÐINNI).
Það verða vegalengdir fyrir alla aldurs- og getuhópa. Það verður ekki tímataka og því verður þetta fyrst og fremst skemmtileg uppákoma.
Verðlaun og drykkir fyrir alla sem klára!
Hægt er að safna stigum fyrir sitt hverfi - þátttaka = 1 stig (skráð á staðnum)
BÚNINGASTIG: Mættu í búning í 1 km skemmtiskokkið (eða lengri vegalengdir) og fáðu stig fyrir þitt hverfi - búningur = 1 stig (skráð á staðnum)
Vegalengdirnar verða þrjár, 1km skemmtiskokk, ca 5km hlaup og svo 10km hlaup.
1km skemmtiskokk hlaupið innan Hellu
5km hlaup gegnum Hellu og Melaskóg
10km hlaup gegnum Hellu og svo ævintýraleið í gegnum Aldamótaskóg. Utanvega og yfir læki og sanda.
