16. október 2024
Fréttir
Jón Valgeirsson, sveitarstjóri RY og Magnús Ragnarsson, formaður Skotíþróttafélagsins Skyttur handsala samninginn.
Þjónustusamningur við Skotíþróttafélagið Skyttur var undirritaður á dögunum. Þetta er fyrsti samningur sem RY gerir við Skytturnar.
Þjónustusamningunum er gert að efla samstarf milli Rangárþings ytra og félaganna í sveitarfélaginu og tryggja öflugt íþrótta-, tómstunda- og æskulýðsstarf fyrir börn og unglinga.
Samningnum er ætlað að tryggja og styrkja enn frekar starfsemi félagsins, enda er sveitarfélagið þeirra skoðunar að það sinni öflugu og viðurkenndu íþrótta- og forvarnarstarfi.
Fyrir utan árlega greiðslu fær félagið greitt fyrir Íslandsmeistara og alþjóðlega titla eins og norðulanda-, evrópumeistara og heimsmeistaratitla í íþróttagrein sem viðurkennd er af ÍSÍ.
Samningurinn gildir út árið 2027.