Auglýsing um skipulagsmál í Rangárþingi ytra (Sett inn 9.10.2024).
Samkvæmt 30. Skipulagslaga nr. 123/2010 er hér kynnt lýsing skipulagsáforma að breytingu á aðalskipulagi Rangárþings ytra 2016/2028.
Minnivallanáma. Breyting á efnistökusvæði E30 í aðalskipulagi
Sveitarstjórn Rangárþings ytra samþykkti á fundi sínum 9.10.2024 að gerðar yrðu breytingar á skilgreiningu á efnistöku í aðalskipulagi Rangárþings ytra 2016-2028 fyrir efnistökusvæðið E30. Framkvæmdin felst í áframhaldandi efnistöku sem nemur allt að 90.000 m³, en til þess þarf að stækka afmarkað svæði námunnar. Með breytingunni stækkar efnistökusvæðið úr 1,0 ha í 6,8 ha, með allt að 90.000 m³ efnistöku. Efnistaka hefur verið stunduð í námunni í áratugi og áætlað er að um 20.000 m³ af efni hafi verið teknir úr námunni á um 1,4 ha svæði en skv. gildandi aðalskipulagi er heimilt að vinna allt að 50.000 m³ . Því er verið að auka efnistökuheimild um 40.000 m³. Ákvörðun um matskyldu liggur fyrir þar sem Skipulagsstofnun telur að framkvæmdin skuli ekki háð mati á umhverfisáhrifum.
Lýsingu skipulagsáforma má nálgast hér.
Lýsingin liggur frammi hjá Skipulagsfulltrúa, Suðurlandsvegi 1-3, Hellu og á heimasíðu Rangárþings ytra, www.ry.is. Jafnframt er hægt að skoða skipulagsgögn og senda inn umsagnir í gegnum rafræna Skipulagsgátt á slóðinni www.skipulagsgatt.is
Hverjum þeim sem telur sig eiga hagsmuna að gæta er gefinn kostur á að gera athugasemdir við lýsingu og er frestur til að skila inn athugasemdum til og með 24. október 2024.
Samkvæmt 1. mgr. 31. gr. Skipulagslaga nr. 123/2010 er hér auglýst tillaga að breytingum á aðalskipulagi Rangárþings ytra 2016/2028.
Hagi v/Selfjall 2. Breyting á landnotkun í aðalskipulagi
Sveitarstjórn Rangárþings ytra samþykkti á fundi sínum 11. september 2024 að gerðar yrðu breytingar á landnotkun í aðalskipulagi Rangárþings ytra 2016-2028 fyrir lóðina Hagi v/Selfjall 2 þar sem lóðin Hagi v/Selfjall 2 yrði skilgreind sem Verslunar- og þjónustulóð í stað frístundalóðar áður.
Skipulagsgögn má nálgast hér
Samkvæmt 1. mgr. 41. gr. Skipulagslaga nr. 123/2010 eru hér kynntar tillögur að eftirfarandi deiliskipulagsáætlunum
Norður Nýibær, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 9.10.2024 að auglýsa tillögu á deiliskipulagi fyrir Norður Nýjabæ. Tilheyrandi breytingar á aðalskipulagi hafa verið auglýstar. Gert er ráð fyrir stækkun núverandi hótelbyggingar í allt að 5000m², á allt að 3 hæðum. Innan verslunar og þjónustusvæðisins verður einnig gert ráð fyrir hreinlegri iðnaðarstarfsemi eins og verið hefur. Fyrirhugað er að heimila stækkun núverandi aðstöðu í allt 1500 m². Heimiluð verði föst búsetu innan svæðis í allt 20 litlum íbúðum í rað- og/eða parhúsum. Gert verður ráð fyrir nýju íbúðarsvæði með allt að 3 íbúðarhúsalóðum á L219861 Norður Nýibær lóð. Aðkoma er af Þykkvabæjarvegi.
Greinargerð má nálgast hér
Uppdrátt má nálgast hér
Oddspartur, Rangárþingi ytra, deiliskipulag
Sveitarstjórn Rangárþings ytra samþykkti á fundi sínum 9.10.2024 að auglýsa tillögu á deiliskipulagi fyrir Oddspart. Tilheyrandi breytingar á aðalskipulagi hafa verið auglýstar. Fyrir er veitingastaður og tvennar gistihvelfingar (kúluhús) til útleigu innan skikans. Áform eru um áframhaldandi uppbyggingu innan svæðis, þá allt að 15 gistihvelfingar (kúluhús) og tvenn þjónustuhús ásamt stækkun núverandi húsnæðis veitingastaðar og íbúðarhúss. Einnig er gert ráð fyrir 5 stærri húsum til útleigu fyrir gesti. Gert er ráð fyrir gistiplássi fyrir allt að 70 gesti. Aðkoma er af Ásvegi.
Greinargerð má nálgast hér
Uppdrátt má nálgast hér
Hrafnshólmi og Hrafntóftir, Rangárþingi ytra, breyting á deiliskipulagi
Sveitarstjórn Rangárþings ytra samþykkti á fundi sínum 9.10.2024 að auglýsa tillögu að breytingum á gildandi deiliskipulagi fyrir Hrafnhólma og Hrafntóftir 3, sem samþykkt var 8. mars 2023 og birt í B- deild Stjórnartíðinda 18. apríl 2023. Breytingin felst í því að mörkum skipulagsins er breytt þannig að sá hluti deiliskipulagsins sem nær yfir lóðina Móholt 1, land nr. L205150, fellur út. Aðkoma er af Þykkvabæjarvegi.
Skipulagsgögn má nálgast hér
Hrafntinnusker, Rangárþingi ytra, breyting á deiliskipulagi
Sveitarstjórn Rangárþings ytra samþykkti á fundi sínum 10.7.2024 að auglýsa tillögu að breytingum á gildandi deiliskipulagi fyrir Hrafntinnusker, sem samþykkt var 26.5.2010. Breytingin felst í breyttum lóðamörkum, þar sem lóð er stækkuð og gert er ráð fyrir einni lóð ásamt byggingarreit um núverandi byggingar á svæðinu. Aðkoma er af Landmannaleið um Reykjadali.
Skipulagsgögn má nálgast hér
Tillögurnar liggja frammi hjá Skipulagsfulltrúa, Suðurlandsvegi 3, Hellu og á heimasíðu Rangárþings ytra, www.ry.is. Jafnframt er hægt að skoða skipulagsgögn og senda inn umsagnir í gegnum rafræna Skipulagsgátt á slóðinni www.skipulagsgatt.is
Frestur til að skila inn athugasemdum er til 27. nóvember 2024.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
Skipulagsfulltrúi Rangárþings ytra