Fréttir

24. fundur sveitarstjórnar Rangárþings ytra verður haldinn að Suðurlandsvegi 1-3, 11. júní 2020 og hefst kl. 16:00

Í síðustu viku kom Kristborg Þórsdóttir fornleifafræðingur færandi hendi með tveggja binda áfangaskýrslu um næstsíðasta áfanga fornleifaskráningu í sveitarfélaginu. Í henni er fjallað um minjar á jörðum í efri hluta Landsveitar á um 700 síðum.

Mikil gleði ríkti á leikskólanum Heklukoti í morgun þegar Katrín Magnúsdóttir, verkefnisstjóri Skóla á grænni grein hjá Landvernd afhenti leikskólanum Grænfánann í fimmta sinn. Börnin á leikskólanum voru með fána sem þau höfðu sjálf gert úr trjágreinum og því efni sem þau fundu og gátu endurunnið. Sungu þau síðan nokkur lög í tilefni dagsins sem þau voru búin að æfa.

Eins og undanfarin ár verður sumarlestrarhvatning á Héraðsbókasafninu. Skráning verður á bókasafninu 2. 3. og 4.júní fyrir öll börn fædd á árunum 2010-2013, gott er að foreldrar eða forráðamenn komi þá með.

Leikskólinn Heklukot fær Grænfánann afhentan í fimmta sinn föstudaginn 5. júní kl 10. Katrín Magnúsdóttir frá Landvernd kemur og afhendir okkur fánann. Foreldrar og aðrir velunnarar leikskólans eru velkmonir að koma og fagna með okkur.

Fyrsti vinnudagurinn verður þriðjudagurinn 2. júní kl. 8:00 og þau eiga að mæta í Selið hjá skólanum. Börn sem eru fædd 2007 vinna frá 8-12 og síðasti vinnudagurinn þeirra verður föstudagurinn 3. júlí 2020.

24. fundur byggðarráðs Rangárþings ytra verður haldinn Fjarfundur í gegnum ZOOM, 28. maí 2020 og hefst kl. 16:00

Á fundi stjórnar Tónlistarskóla Rangæinga 22. maí var tekin ákvörðun um ráðningu í starf skólastjóra Tónlistarskóla Rangæinga sem auglýst var á dögunum. Niðurstaðan var að ráða Söndru Rún Jónsdóttur í starfið og mun hún hefja störf frá og með 1. ágúst 2020.

Nýr samstarfssamningur um mótun landshlutateymis á Suðurlandi hefur verið undirritaður. Um er að ræða tveggja ára þróunarverkefni í samræmi við Framkvæmdaáætlun í málefnum fatlaðs fólks 2017 – 2021 sem miðar að því að styrkja grunnþjónustu í héraði. Aðilar að samningnum eru Greiningar- og ráðgjafarstöð ríkisins, Heilbrigðisstofnun Suðurlands, Fjölskyldusvið Árborgar, Félags- og skólaþjónusta Rangárvalla- og Vestur-Skaftafellssýslu og Velferðar- og skólaþjónusta Árnesþings.

Rangárþing ytra auglýsir laus störf fyrir námsmenn í sumarvinnu. Skilyrði fyrir ráðningu er að umsækjendur séu á milli anna í námi, séu á aldrinum 18-25 ára og skráðir í nám á haustönn. Ráðningartími er til tveggja mánaða.