Fréttir

Laugalandsskóli í Holtum hefur undanfarin ár verið í samstarfi við menntayfirvöld í Norður Dakóta sem tengjast listamanna heimsóknum í skóla. Annaðhvert ár heimsækir listamaður frá Bandaríkjunum Laugalandsskóla og þess á milli fer íslenskur listamaður til Norður Dakota í Bandaríkjunum.  Myndir og myndband neðar í fréttinni.

Árlegur samráðsfundur Skipulagsstofnunar, Sambands íslenskra sveitarfélaga og sveitarfélaganna er nú haldinn dagana 26. og 27. apríl í Safnaðarheimilinu á Hellu.  Hægt er að fylgjast með beinni útsendingu frá fundinum á meðan hann er í gangi.

Eftirfarandi ályktun ásamt greinargerð er sett saman í framhaldi af fundi framkvæmdanefndar Þjórsársveita sem haldinn var í Þingborg 12. apríl 2012.  Ályktunin er send ráðherrum iðnaðar- og umhverfismála, nefndasviði Alþingis, þingmönnum Suðurkjördæmis og fjölmiðlum.

Tilgangur styrkjanna er að stuðla að því að efla starfsemi á sviði lista, safna og menningararfs. Styrkveitingarnar miðast við árið 2012.  Umsóknarfrestur rennur út sunnudaginn 13. maí 2012.  Umsóknareyðublað og úthlutunarreglur er að finna á heimasíðu Menningarráðs Suðurlands www.sunnanmenning.is.

Á föstudaginn 27. apríl (næsta föstudag) milli klukkan 15.00 og 16.30 ætlar Umf. Hekla að standa fyrir smá frjálsíþróttamóti í íþróttahúsinu á Hellu.  Mótið verður fyrir krakka í 1.-4. bekk.  Keppt verður í 30m hlaupi, langstökki og pílukasti.  Öllum krökkum í sýslunni er boðin þátttaka.

Fréttabréf félags eldri borgara frá 12. apríl til semtember 2012 er komið út.  Farið er vítt og breitt yfir starfsemi félagsins í ár og er þarf af nægu að taka.  Gaman er að sjá hvað félagsstarfið er öflugt hjá eldri borgurum.  Félagsstarf eldri borgara hefur sinn stað á síðunni undir málaflokknum "íþrótta- og tómstundamál".

Miðvikudagskvöldið 25.apríl. næstkomandi Kl:20.00 verður aðalfundur Umf. Heklu haldinn í Grunnskólanum á Hellu.  Einnig mun Umf. Hekla standa fyrir sölu á áburði um mánaðarmótin apríl/maí eins og síðustu ár.  Seldur verður áburður í 12 kg fötum og reynt verður að hafa svipað verð og í fyrra en það verður auglýst síðar.

Á stjórnarfundi í embætti Skipulags-og byggingarfulltrúa Rangárþings bs., 2. apríl sl., var lögð fram tillaga þess efnis að Rangárþing ytra segði sig úr byggðasamlaginu.  Í framhaldinu var óskað var eftir viðræðum samstarfssveitarfélaganna til að vinna að lausn málsins. Bæði meiri- og minnihluti sveitarstjórnar Rangárþings ytra styður ákvörðunina.

Þau félög sem þar starfa og hafa aðstöðu í Menningarsalnum á Hellu munu á sumardaginn fyrsta kl.14:00 halda styrktartónleika fyrir salinn. Þar koma fram Samkór Rangæinga, Leikfélag Rangæinga, Harmonikufélag Rangæinga, Kvennakórinn Ljósbrá, Kirkjukór Odda- og Þykkvabæjarkirkna, Karlakór Rangæinga og Karlakórinn Þrestir.

Nú stendur yfir tilraun á vefsíðunni með skoðanakönnun í nýja heimasíðukerfinu. Hægt er að sjá könnunina og kjósa með því að smella á takkann hægra megin á forsíðunni undir viðburðadagatalinu eða með því að smella á hlekk hér neðar í tilkynningunni.