Soutcoast Adventure og sveitarstjóri Rangárþings ytra undirrituðu í dag samstarfsyfirlýsingu um Hopp á Hellu. Hopp býður uppá skammtímaleigu á rafskútum.
Mikill vöxtur hefur verið í framboði á samgöngumáta um allan heim sem hefur fengið íslenska heitið örflæði. Er þar vísað til smærri farartækja sem nýta samgönguinnviði betur, nýta ekki jarðefnaeldsneyti og eru oft í boði í skammtímaleigu. Helsta birtingarmynd örflæðis á Íslandi eru rafdrifin hlaupahjól, en Hopp hefur boðið upp á deilileigu á slíkum rafskútum síðan 2019.
Tengiliður við Hopp í Rangárþingi er Ársæll Hauksson og svarar hann ábendingum á rangarthing@hopp.bike
Hopp og sveitarfélagið hyggjast meta reglulega árangur af komu Hopps til Rangárþings ytra. Árlega, og oftar ef þurfa þukir, munu tengiliðir Hopp og sveitarfélagsins funda um stöðu smáfarartækja í sveitarfélaginu og athuga hvort tilefni sé til breytinga eða úrbóta.
Markmið Hopp er að skilja eftir sig hreinni plánetu, eina ferð í einu. Frá fyrsta degi hefur fyrirtækið tryggt að allir hlutar starfseminnar séu kolefnisneikvæðir.
Við fögnum komu Hopp á Hellu og vonum að rafskúturnar muni nýtast íbúum sem og gestum vel.