Fréttir

Glódís Margrét Guðmundsdóttir píanóleikari mun halda tónleika í Selinu á Stokkalæk á annan í Hvítasunnu, hinn 20. maí nk. Þar mun hún leika verk sem hún hyggst flytja í píanókeppni Norðurlandanna í Danmörku nú í júní og síðar einnig á tónlistarhátíðinni Casalmaggiore Music Festival á Ítalíu.

Leikskólinn á Laugalandi hefur hlotið 1,2 milljónir  í styrk frá Sprotasjóði.  Styrkinn á að nota til að þróa starf leikskólans næsta vetur.  Verkefnið gengur út á það að spinna saman ART, upplýsingatækni og þróa nýtt sýnilegra námsmat barnanna. Framundan er mjög spennandi skólaár bæði fyrir nemendur og starfsfólk.

Dagana 20. maí - 9. júní 2013 verður hreinsunarátak í sveitum á vegum Sorpstöðvar Rangárvallasýslu.  Gámar verða á tímabilinu staðsettir á eftirtöldum stöðum, þ.e. á „gömlu“ gámastæðum þessara staða: Skógum, Heimalandi, A-Landeyjum, V-Landeyjum, Fljótshlíð, Bakkabæjum, Rangárvöllum (vegamót Gunnarsholtsvegar og Þingskálavegar), Þykkvabæ, Hellu og Landvegamótum.

Laugardaginn 1. júní kl.17:00 ætla Ómar Diðriks Sveitasynir að halda tónleika í Safnaðarheimilinu á Hellu. Með þeim á syngur miðstigskór Grunnskólans á Hellu og Oddasóknar. Þetta verða "stuð og stemning tónleikar" þar sem þeir spila sín hressustu og kannski skemmtilegustu lög.

Veggspjöld um ferjuhald í Þjórsárholti í Gnúpverjahreppi verða formlega afhent Samgöngusafninu á Skógum þann 18. maí nk. Lögferja var í Þjórsárholti allt til 1966 og áður en brú var byggð yfir Þjórsá var ferjan í Þjórsárholti ein aðalsamgönguleiðin milli uppsveita Árnes- og Rangárvallasýslna og upp á hálendið.

Við viljum benda lesendum á viðburðadagatal sveitarfélagsins á heimasíðunni. Dagatalið er staðsett hér hægra megin á forsíðunni. Undir dagatalinu birtast næstu 5 viðburðir sem skráðir eru í kerfið. Viðburðir þurfa ekki að vera stórir til að komast á dagatalið og við hvetjum ykkur til að senda inn upplýsingar um viðburði stóra og smáa. Sjá meira með því að smella á fyrirsögn.

Eftirfarandi barst frá Heklukoti: Það er ekki hægt að segja annað en að það sé búið að vera mikið að gera hjá umhverfisnefndinni okkar í Heklukoti. Í síðustu viku fór hópurinn með afrakstur af Kulusuksöfnuninni í bankann. Börnin höfðu fengið að geyma bauka hjá nokkrum stofnunum og fyrirtækjum í bænum.

Starfsfólk Rangárþings ytra óskar íbúum sveitarfélagsins og samstarfsaðilum gleðilegs sumars og þakkar ánægjuleg samskipti á nýliðnum vetri.

Þórunn Ósk Þórarinsdóttir hefur verið ráðin leikskólastjóri á Heklukoti í stað Sigríðar Birnu sem hefur látið af störfum. Staðan var auglýst þann 12. desember 2012 og var umsóknarfrestur til 2. janúar 2013. Þórunn eru með diplóma í menntunarfræðum með áherslu á stjórnun skólastofnana.

Kjörfundur vegna Alþingiskosninga fer fram laugardaginn 27. apríl 2013. Kosið verður í Grunnskólanum á Hellu og hefst kjörfundur kl. 9:00 og lýkur kl. 22:00. Athygli kjósenda er vakin á skyldu til að sýna persónuskilríki ef kjörstjórn óskar þess. Kjörstjórn Rangárþings ytra.