Fréttir

22. fundur byggðarráðs Rangárþings ytra verður haldinn að Suðurlandsvegi 1-3, 26. mars 2020 og hefst kl. 16:00.

HSU og sveitarfélögin á Suðurlandi óska eftir að þeir sem hafa möguleika á að taka að sér störf þar sem sinnt er þjónustu við aldraða, börn og fatlaða skrái sig í bakvarðasveit í velferðarþjónustu. Sjá nánar í meðfylgjandi auglýsingu.

Í tilefni jafndægurs á vori kemur hér út svolítið fréttabréf um eitt og annað sem í gangi er í okkar fagra sveitarfélagi.

Hér má finna yfirlit yfir þjónustu stofnana sveitarfélagsins meðan á samkomubanni stendur, uppfærðar jafnóðum og breytingar verða.

Stjórnendur og starfsfólk sveitarfélagsins hefur lagt sig fram við það nú í dag og um nýliðna helgi að undirbúa viðbrögð og aðlaga okkur samkomubanninu sem nú hefur tekið gildi, vegna Covid-19.

Eins og komið hefur fram í fjölmiðlum þá hefur heilbrigðisráðherra ákveðið að virkja heimildir sóttvarnalaga sem fela m.a. í sér að skólahald verður takmarkað tímabundið. Um er að ræða tímabilið frá 16. mars til 12. apríl. Markmið með takmörkun skólastarfs er að hægja eins og unnt er á útbreiðslu COVID-19.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi

20. fundur sveitarstjórnar Rangárþings ytra verður haldinn að Suðurlandsvegi 1-3, 12. mars 2020 og hefst kl. 16:00

Sem kunnugt er hefur Ríkislögreglustjóri lýst yfir neyðarstigi almannavarna í samráði við sóttvarnalækni vegna kórónaveiru (COVID-19). Sveitarfélagið Rangárþing ytra hefur uppfært sína viðbragðsáætlun sem er að finna hér á heimasíðu sveitarfélagsins. Þessi viðbragðsáætlun á að þjóna þeim tilgangi að vera stjórnendum sveitarfélagsins til stuðnings um það hvernig takast eigi á við afleiðingar neyðarástands sem kann að ógna lífi og heilsu almennings, umhverfi og/eða eignum.

Faraldurinn COVID-19 af völdum nýrrar kórónaveiru hefur breiðst út á umliðnum dögum. Staðfest er að veiran smitast milli manna og að hún getur valdið alvarlegum veikindum. Í ljósi þessa hefur embætti ríkislögreglustjóra lýst yfir neyðarstigi almannavarna í samráði við sóttvarnalækni og embætti landlæknis vegna COVID-19. Mikilvægum upplýsingum til landsmanna er safnað saman á heimasíðu Landlæknis á slóðinni https://www.landlaeknir.is/koronaveira/