Vinnuskólinn 2025 - opið fyrir umsóknir

Unglingar fæddir 2009-2012 geta nú sótt um starf hjá vinnuskóla Rangárþings ytra sumarið 2025 með því að fylla út þetta eyðublað.

Starfstímabilið verður frá 2.–30. júní hjá árgangi 2012 og frá 2. júní til 31. júlí hjá árgöngum 2009, 2010 og 2011.

Vinnutíminn hjá árgangi 2012 verður frá kl. 8–12 en frá kl. 8–15 hjá þeim sem eldri eru.

Umsóknarfrestur er til og með 25. maí 2025.

Reglur vinnuskólans má nálgast hér og mikilvægt er að foreldrar/forsjáraðilar kynni sér þær vel og fari yfir með krökkunum.

Kynningarfundur fyrir umsækjendur og foreldra/forsjáraðila verður haldinn í lok maí og verður auglýstur þegar nær dregur.