Söfnun marka í sýslunni hefur gengið vel en ennþá eiga nokkrir eftir að ganga frá sínum mörkum. Þess vegna framlengi ég frestinn til að skila inn staðfestingu til 31.01. n.k. Velkomið að hringja og staðfesta mörkin þannig.
Útgáfa markaskrár 2020 í Rangárvallasýslu.
Hafinn er undirbúningur að útgáfu markaskrár fyrir Rangárvallasýslu, í samræmi við 66. gr. laga um afréttarmálefni, fjallskil o.fl. nr. 6/1986 og reglugerð um búfjármörk o.fl. nr. 200/1998 með síðari breytingum. Nýrri markaskrá verður dreift sumarið 2020.
Markeigendur, samkvæmt markaskrá Rangárvallasýslu frá 2012 skulu gera grein fyrir sínum mörkum, þ.e. hvaða mörk þeir vilja eiga áfram, með því að tilgreina númer markanna í markabókinni frá 2012. Einnig skal staðfesta mörk sem tekin hafa verið upp eftir útgáfu markabókar 2012. Upplýsingar sendist til undirritaðrar fyrir 31. janúar 2020 á netfangið kaldbakur@uppsveitir.is, þá er auk þess hægt að senda upplýsingar í pósti nú eða hringja. Um er að ræða bæði eyrnamörk og frostmörk ásamt bæjarnúmerum. Skráningargjaldið er kr. 2.500 á hvert mark (eyrnamark eða frostmark) sem er það sama og var innheimt 2012. Vinsamlegast sendið greiðslu á bankareikning markavarðar: 0308-13-110277 kt.020361-3959. Við greiðslu skal senda tilkynningu um millifærslu á netfangið: kaldbakur@uppsveitir.is þar sem fram koma númer á þeim mörkum sem greitt er fyrir.
Vakin er athygli á því að samkvæmt lögum skal skrá öll mörk í gildandi markaskrá, annars falla þau niður og sanna ekki eignarétt.
Með bestu kveðju.
Sigríður H. Heiðmundsdóttir,
Kaldbak 851 Hella.
Markavörður í Rangárvallasýslu.
Sími: 869-2042.