Eldri nemendur Tónlistarskóla Rangæinga setja upp glæsilegan kabarett 11. apríl næstkomandi. Í tilkynningu frá hópnum kemur eftirfarandi fram:
Lífið er kabarett er tónleikasýning með eldri söngnemendum Tónlistarskóla Rangæinga! ATH. einungis tvær sýningar þann 11.apríl, fyrstir koma fyrstir fá!
Í Tónlistarskóla Rangæinga er mikil gróska, mikið af flottum kennurum og fullorðnum nemendum en þeim hefur fjölgað til muna á síðastliðnum árum.
Nú kom upp hugmynd að setja upp Cabaret sýningu þar sem nemendur syngja lög frá árunum 1929-1960, en það eru 11 söngkonur sem taka þátt í verkefninu: Aðalheiður Margrét Gunnarsdóttir (kennari), Anna Margrét Aðalsteinsdóttir, Brynhildur Sighvatsdóttir, Elísabeth Lind Ingólfsdóttir, Heiðbrá Ólafsdóttir, Drífa Nikulásdóttir, Guðrún María Guðmundsdóttir, Harpa M. Kjartansdóttir, Rebekka Katrínardóttir, Sólrún Lilja Pálsdóttir og Glódís Margrét Guðmundsdóttir (meðleikari) en Glódís vinnur þetta verkefni með Aðalheiði og spilar líka á píanó í hljómsveitinni.
Hljómsveitin er skipuð starfsfólki og nemanda skólans og öðrum íbúum Rangárþings: Glódís Margrét Guðmundsdóttir á píanó, Sandra Rún Jónsdóttir á trompet, Guri Hilstad á trompet, Árni Ólafsson á bassa, Ingibjörg Erlingsdóttir á kontrabassa og Mikael Máni Leifsson á trommur. Hljóðmaður er Arnar Gauti Markússon.
Það er svo gaman að koma saman og vinna svona tónlistarverkefni með svo ólíkum hópi fólks á ólíkum stöðum í samfélaginu. Það er mikið lagt í sýninguna, bæði verið í fötum sem passa við tímabilið, lög sungin með ýmsum listrænum hreyfingum og tjáningu og annað sem kemur í ljós.
Veitingastaðurinn Midgard sér um léttar veitingar og þjónustu sem er innifalin í miðaverði. Gestir koma með sína eigin drykki.
ALDURSTAKMARK 18 ára.
Sýningar eru tvær: Föstudaginn 11. apríl kl. 18.00 og kl. 21.00
Almennt miðaverð er kr. 4900. Ef pantað er fyrir hópa 6 eða fleiri er verð kr. 4500,-. Miðapantanir á songleikur@tonrang.is eða í síma 8238264, hægt er að millifæra á rkn. 0123-26-096367, kt. 190775-5269.
Mæli með að panta sem fyrst!