Hrekkjavakan er á næsta leyti en hún er haldin hátíðleg 31. október ár hvert. Síðustu ár hafa æ fleiri Íslendingar tekið hátíðina upp á sína arma og á Hellu hefur stemningin aukist ár frá ári.
Í fyrra gengu draugar og forynjur um götur þorpsins á milli heimila sem buðu upp á gotterí í poka. Víða var mikill metnaður lagður í skreytingar sem lífgaði svo sannarlega upp á skammdegið.
Í ár eru líkur á enn meiri hrekkjavökustemningu og nú þegar hafa 16 hús skráð sig til leiks sem ætla að bjóða heim í grikk eða gott.
16 heimili hafa þegar skráð sig til leiks í ár og líklegt er að enn fleiri bætist við í vikunni.
Kortið yfir þau sem ætla að bjóða heim má sjá með því að smella hér.
Hver sem er getur bætt sínu húsi við kortið eða haft samband við Ösp, markaðs- og kynningafulltrúa, til að bæta sér við (osp@ry.is)
Svo er upplagt að hafa kortið klárt í símanum áður en lagt er af stað á röltið til að skipuleggja leiðina.
Gott er að hafa í huga að á milli 18 og 20 þann 31. október verða margir litlir fætur á ferð um Helluþorp og viljum við biðja akandi vegfarendur að gæta sérlega vel að umhverfi sínu á þessum tíma :)