Rangárþing ytra er að taka þátt í þróunarverkefni á vegum fjármála- heilbrigðis- og félagsmálaráðuneytisins, Samtaka sveitarfélaga og Landssambands eldri borgara sem ber heitið Gott að eldast.
Liður í aðgerðaráætluninni er að birta hreyfiúrræði fyrir 60 ára og eldri ásamt öllum upplýsingum um framboð heilsueflandi aðgerða á landsvísu á einum stað (www.island.is). Markmiðið með því er að brúa bilið á milli þeirra sem leita eftir þjónustu og þeirra sem standa fyrir hreyfiframboðum.
Með því að birta skilvirkar upplýsingar um hreyfingu á einum stað getur ávinningurinn orðið margþættur; Fólk 60 ára og eldri getur fundið hreyfingu við sitt hæfi í sínu nærumhverfi, fagaðilar geta vísað fólki í viðeigandi þjálfun og úrræði og aðilar koma sinni þjálfun á framfæri.
Rangárþing ytra ætlar að halda utan um öll hreyfiúrræði fyrir 60 ára og eldri á frístundarvefnum:
Sudurlif.is undir flokknum: 60+ ( eldri borgarar.) Allir sem sjá um hreyfiúrræði þ.e. eigendur/þjálfarar setja þá upplýsingar inn á frístundarvefinn og sjá sjálfir um að uppfæra þær hverju sinni til þess að upplýsingar séu alltaf réttar.
Fullnægjandi upplýsingar þurfa að innihalda:
Gerð hreyfingar, staðsetningu, dag og tímasetningu og verð ef hreyfingin kostar. Auk upplýsinga um þjálfara, svo sem nafn, netfang og símanúmer.
Dæmi:
- Sundleikfimi, Laugardalslaug við Sundlaugarveg 105, 105 Reykjavík
- Miðvikudaga kl. 9:00 – 10:00
- 8 vikna námskeið kostar 5000 kr.
- Þjálfari: Jósefína Jónsdóttir, josefinj@sund.is s: 777 0777
Ef einhver vandamál verða við skráningu eða spurningar vakna varðandi verkefnið er hægt að hafa samband á netfangið: sudurlif@sudurlif.is