Sérstakur húsnæðisstuðningur
Félags- og skólaþjónusta Rangárvalla- og Vestur Skaftafellssýslu heldur utan um afgreiðslu sérstaks húsnæðisstuðnings sem sveitarfélögum er skylt að greiða samkvæmt lögum um húsnæðisbætur nr. 76/2016. Sérstakur húsnæðisstuðningur kemur þá í stað sérstakra húsaleigubóta. Nánari upplýsingar um skilyrði fyrir samþykki umsóknar og fjárhæð sérstaks húsnæðisstuðnings má sjá í reglum um sérstakan húsnæðisstuðning inn á heimasíðu Félagsþjónustunnar, www.felagsmal.is.
Sérstakur húsnæðisstuðningur
vegna 15-17 ára námsmanna
Foreldrar 15-17 ára barna sem hafa rétt á sérstökum húsnæðisstuðningi eru minntir á að skila þarf inn nýrri umsókn í upphafi skólaárs. Umsóknir er hægt að nálgast inn á heimasíðunni www.felagsmal.is. Með umsóknum þarf að fylgja húsaleigusamningur og staðfesting á námi barns. Athuga ber að sérstakur húsnæðisstuðningur vegna 15-17 ára er samþykktur eina önn í senn og skila ber staðfestingu á áframhaldandi námi ungmennis við upphaf nýrrar annar.
Skila þarf umsóknum og fylgigögnum á skrifstofu félags- og skólaþjónustunnar að Suðurlandsvegi 1-3, 850 Hella eða á netfangið helgath@felgasmal.is
Nýjar umsóknir þurfa að berast til Félags- og skólaþjónustunnar eigi síðar en 15. þess mánaðar sem sótt er um. Greitt er frá þeim mánuði sem umsókn berst, ekki er greitt aftur í tímann.