Auglýsing um skipulagsmál í Rangárþingi ytra
Samkvæmt 2. mgr. 30. gr. Skipulagslaga nr. 123/2010 eru hér kynntar tillögur að breytingu á aðalskipulagi Rangárþings ytra 2016-2028.
Svínhagi SH-18, VÞ25. Rangárþing ytra vinnur að breytingu á Aðalskipulagi Rangárþings ytra 2016-2028 skv. 1. mgr. 36. gr. skipulagslaga nr. 123/2010 vegna breytingar á landnotkun fyrir lið VÞ25 í greinargerð aðalskipulagsins þar sem gerð verði breyting á heimild til fjölda gesta. Heildarfjöldi fyrir VÞ25 verði 100 gestir í stað 20 áður.
Hér má nálgast greinargerð skipulagsbreytingarinnar.
Mosar L227577. Rangárþing ytra vinnur að breytingu á Aðalskipulagi Rangárþings ytra 2016-2028 skv. 1. mgr. 36. gr. skipulagslaga nr. 123/2010 vegna breytingar á landnotkun fyrir lóðina Mosa L227577. Breyting á landnotkun verður úr núverandi landbúnaðarnotum í frístundasvæði þar sem gert verði ráð fyrir allt að 16 lóðum undir frístundahús.
Hér má nálgast greinargerð skipulagsbreytingarinnar
Þjóðólfshagi. Rangárþing ytra vinnur að breytingu á Aðalskipulagi Rangárþings ytra 2016-2028 skv. 1. mgr. 36. gr. skipulagslaga nr. 123/2010 vegna breytingar á landnotkun fyrir allar lóðir innan núverandi frístundasvæðis í Þjóðólfshaga. Breyting á landnotkun verður úr núverandi frístundanotum í íbúðabyggð. Unnið er að gerð deiliskipulags fyrir svæðið.
Hér má nálgast greinargerð skipulagsbreytingarinnar
Vinnslutillögurnar eru til kynningar á opnunartíma hjá Skipulagsfulltrúa, Suðurlandsvegi 1-3, Hellu og á heimasíðu Rangárþings ytra, www.ry.is
Kynningu lýkur þriðjudaginn 7. nóvember nk klukkan 15.00
Vilji hagsmunaaðilar senda inn ábendingar á þessu stigi er það heimilt en formlegur frestur til athugasemda verður þó gefinn þegar tillagan hefur verið samþykkt til auglýsingar síðar.
Þeir sem óska nánari upplýsinga geta snúið sér til Skipulagsfulltrúa Rangárþings ytra í síma 488-7000 eða með tölvupósti birgir@ry.is
Haraldur Birgir Haraldsson
Skipulagsfulltrúi Rangárþings ytra