Neyðarkallinn kominn í hús

Árleg fjáröflun björgunarsveitanna með sölu neyðarkallsins er nýafstaðin en þetta var í 19. skiptið sem salan fer fram. Hagnaður af sölunni rennur til björgunarsveita og slysavarnardeilda og nýtist til að efla og styrkja starfið. 

Fjáröflunin er björgunarsveitunum afar mikilvæg og er sölufólki almennt vel tekið.

Rangárþing ytra hefur um margra ára skeið keypt stóra neyðarkallinn af Flugbjörgunarsveitinni á Hellu og gerði það að sjálfsögðu í ár líka.

Elín Hjartardóttir Stolzenwald, formaður Flugbjörgunarsveitarinnar á Hellu, kom í dag og afhenti Jóni Valgeirssyni sveitarstjóra neyðarkallinn og þökkum við henni kærlega fyrir það.