Hugmyndasamkeppni um götuheiti í Bjargshverfi

Bjargshverfið verður nýtt hverfi á Hellu, vestan Rangár. Gert er ráð fyrir allt að 100 íbúðaeiningum af mismunandi tegundum; einbýlis-, par- og raðhúsum.

Nú leitum við til íbúa um hugmyndir að götuheitum í nýja hverfinu en skipulag þess má sjá á meðfylgjandi myndum.

Tillögum má skila inn á þrenna vegu:

• Með því að fylla út þetta eyðublað
• Með því að senda tillögur á netfangið ry@ry.is með „Hugmyndasamkeppni um götuheiti í Bjargshverfi“ í efnislínu
• Með því að skila tillögum í umslagi í afgreiðslu skrifstofu sveitarfélagsins að Suðulandsvegi 1–3

Frestur til að skila inn tillögum er til 19. nóvember næstkomandi og unnið verður úr innsendum tillögum á fundi skipulags- og umferðarnefndar 21. nóvember.