Skipulags- og umferðarnefnd Rangárþings ytra

Landeigandi hefur óskað eftir að fá að skipta úr jörð sinni, 57271.1 m² lóð sem fengi heitið Svínhagi SH16B og L238452. Gert er ráð fyrir að uppbygging verði í formi skógræktar. Merkjalýsing frá Jóhönnu Sigurjónsdóttur dags. 27.11.2024.

Farið yfir áherslur í gjaldskrám

Farið yfir stöðu umferðarmála

Lögð fram áætlun um reglulega fundi nefndarinnar fyrir árið 2025.

Eigandi lands óskar eftir að gerð verði breyting á gildandi deiliskipulagi fyrir Læk sem samþykkt var í B-deild Stjórnartíðinda þann 20.11.1998.

Fyrirhuguð er textabreyting í gildandi greinargerð deiliskipulags í kafla Girðingar á bls. 7, þar sem heimilað verði að girða af spildu og leigja hana til beitar. Forsenda breytingar er fyrirspurn um land til hrossabeitar í suðvesturhorni deiliskipulagsins sem áður var hluti af Læk 2 (L186677) en er núna hluti af jörðinni Brekkum. Tillaga frá Eflu dags. 27.11.2024.

Óskað er eftir heimild til að leggja fram tillögu að deiliskipulagi. Deiliskipulag fyrir Reiðholt (landnr. 237137) tekur til afmörkunar 3 ha landspildu til fastrar búsetu undir byggingarreiti fyrir tvö íbúðarhús, tvö gestahús og skemmu. Deiliskipulagið verður unnið í samræmi við Aðalskipulag Rangárþings ytra 2016-2028 þar sem svæðið er skilgreint sem landbúnaðarland. Skipulagssvæðið tekur yfir byggingarreiti og aðkomu að svæðinu. Innan lóðar er heimilt að byggja allt að 900 m2 í samræmi við byggingarheimildir á landbúnaðarlandi.

Samantekt á stöðu skipulagsmála tengdum aðkomu sveitarfélagsins.

Skaftárhreppur hefur óskað eftir umsögn vegna tillögu að nýju aðalskipulagi.

Um er að ræða heildarendurskoðun á Aðalskipulagi Skaftárhrepps með gildistímann 2023-2043.

Lögð er fram tillaga ásamt fylgigögnum frá Landmótun dags. 20.9.2024.

Ásahreppur vinnur að breytingu á Aðalskipulagi Ásahrepps 2020-2032, skv. 1. mgr. 36. gr. skipulagslaga

nr. 123/2010. Sett er inn nýtt efnistökusvæði við aðrennslisskurð Sigöldustöðvar (mynd 1). Efni hefur

verið tekið af svæðinu við framkvæmdir tengdar virkjunum og vatnsmiðlun, en náman er ekki á

skipulagi. Efni úr námunni verður einkum nýtt við framkvæmdir í tengslum við fyrirhugaða stækkun

Sigöldustöðvar. Stærð efnistökusvæðis er 1 ha og heimilt er að vinna allt að 49.000 m3 af efni. Tillaga frá Eflu dags. 1.8.2024. Óskað er umsagnar Rangárþings ytra.

Ásahreppur vinnur að breytingu á Aðalskipulagi Ásahrepps 2020-2032, skv. 1. mgr. 36. gr. skipulagslaga nr. 123/2010. Gerð er breyting á stærð efnistökusvæðis og því efnismagni sem heimilt er að taka úr efnistökusvæði E8 á austanverðum Búðarhálsi á Holtamannaafrétti, óbyggt svæði minnkar samsvarandi.

Vegna viðhalds á núverandi stíflum og gerð nýrra stíflna er þörf á efni sem hentar til slíkra framkvæmda, og er það að finna í námunni. Efnistökusvæðið E8 er stækkað úr 1 ha í 2,3 ha og heimilað að taka allt að 49.000 m3 af efni í stað 10.000 m3. Lögð er fram vinnslutillaga í formi greinargerðar frá Eflu dags. 21.10.2024. Óskað er umsagnar Rangárþings ytra.

Skeiða- og Gnúpverjahreppur hefur óskað eftir umsögn Rangárþings ytra um fram lagða tillögu að breytinga á aðalskipulagi sveitarfélagsins 2017-2029. Með breytingunni er sett inn nýtt efnistökusvæði á Búrfellshólmum austan Búrfells og í beinu framhaldi af núverandi efnistökusvæði E33. Áætluð efnistaka er allt að 4,5 milljón m3 og að efnisnám nemi um 80.000-300.000 m3 á ári í 10-15 ár. Stærð svæðis er 189 ha. Um er að ræða vikurnámu og er vikurinn einkum unninn til útflutnings. Starfsemi á nýju efnistökusvæði verður að öllum líkindum unnin á sambærilegan hátt og áður hefur verið á Búrfellshólmum og gengið verði frá því svæði þar sem efnistöku er lokið jafn óðum. Unnið er að umhverfismati fyrir efnistökusvæðið. Lögð er fram tillaga frá Eflu dags. 25.10.2024.

Eigandi Tindasels 1 og Tindasels 2 hefur fengið heimild til að leggja fram deiliskipulag af aukinni starfsemi en nú er á svæðinu. Samhliða óskar hann eftir að gerðar verði nauðsynlegar breytingar á aðalskipulagi til samræmis við aukin áform við ferðaþjónustu á svæðinu. Áform gera ráð fyrir móttöku allt að 200 gesta, byggingar hótels og gistiaðstöðu ásamt veitingasölu og að auki bættari aðstöðu fyrir starfsfólk og gistingu fyrir starfsfólk. Tillaga var auglýst frá og með 15.8.2024 til og með 2.10.2024. Tekin er fyrir samantekt á umsögnum aðila ásamt viðbrögðum við þeim. Lögð eru fram uppfærð skipulagsgögn frá Eflu dags. 28.11.2024.

Rangárþing ytra hefur samþykkt að stækkað verði verslunar og þjónustusvæðið VÞ23. Gert er ráð fyrir stækkun núverandi hótelbyggingar í allt að 5000m2, á allt að 3 hæðum. Innan verslunar og þjónustusvæðisins verður eining gert ráð fyrir hreinlegri iðnaðarstarfsemi s.s. smíðaverkstæði. Fyrirhugað er að heimila stækkun núverandi aðstöðu í allt 1500 m2. Heimiluð verði föst búsetu innan svæðis í allt 12 litlum íbúðum. Í rað- og/eða parhúsum. Gert verður ráð fyrir nýju íbúðarsvæði með allt að 3 íbúðarhúsalóðum á L219861 Norður Nýibær lóð. Gert verður ráð fyrir allt að þremur nýjum aðkomuvegum inn á skipulagssvæðið.

Tillaga var auglýst frá og með 15.8.2024 til og með 2.10.2024. Tekin er fyrir samantekt á umsögnum aðila og viðbrögðum við þeim. Lögð eru fram uppfærð skipulagsgögn frá Eflu dags. 31.10.2024.

Rangárþing ytra fyrir hönd landeigenda hefur unnið að breytingum á aðalskipulagi Rangárþings ytra 2016 - 2028 fyrir Galtalækjarskóg L165042 og Merkihvol L192626. Jarðirnar eru í heildina um 83 ha að stærð og búið er að samræma landamerki beggja landa og aðliggjandi jarða. Landnotkunarflokkar sem breytingin nær til og fá breytta lögun eru þessir:

Reitur AF5 (Afþreyingar- og ferðam.sv.) fellur út. Í hans stað kemur nýr reitur F82 Frístundahús. Frístundahúsareitur F43 færist til norðurs. Reitur OP1 (Opin svæði) breytist og stækkar umtalsvert. Reitur VÞ7 (Verslun- og þjónusta) fær jafnframt breytta lögun.

Jafnfram er óskað eftir heimild til deiliskipulagsgerðar þar sem gert verði ráð fyrir allt að 50 frístunda/orlofshúsum á F43 og F82 og alhliða ferða- og gistiþjónustu á VÞ7 með byggingu allt að 1500 m² gistihúss ásamt allt að 50 gistiskálum til útleigu.

Tillagan var auglýst frá og með 30.8.2024 til og með 16.10.2024. Umsagnir bárust frá Heilbrigðiseftirliti Suðurlands sem gerði engar athugasemdir en bendir á að varanleg skógareyðing vegna t.d. stígagerðar eða húsbyggingar og tekur fyrir meira en 0,5 ha svæðis er tilkynningaskyld til ákvörunar um matsskyldu; frá Vegagerðinni sem gerði engar athugasemdir og frá Umhverfisstofnun þar sem ekki voru gerðar athugasemdir en ábendingar vegna viðbragða við vatnshlot og að gera þurfi áhrifamat í samræmi við lög nr. 36/2011 um stjórn vatnamála. Tekin er fyrir samantekt á athugasemdum og viðbrögðum við þeim. Lögð er fram uppfærð tillaga frá Eflu dags. 28.10.2024.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36. gr. skipulagslaga nr. 123/2010.

Breytingin nær til Stekkatúns 1 (landnr. 165446) sem er 44 ha að stærð skv. ská HMS. Hluti lands er skilgreindur sem verslunar- og þjónustusvæði VÞ36 í gildandi aðalskipulagi. Fyrirhugað er að stækka verslunar- og þjónustusvæði VÞ36 úr 6,7 ha í 44 ha. Megin uppbygging verða gestahús/litlar hvelfingar þar sem gestir geti notið næturhimins og norðurljósa, ásamt góðri gistiþjónustu. Hámarks byggingarmagn innan þjónustusvæðis eykst úr 510 m2 yfir í allt að 1600 m2 innan svæðis. Lýsing skipulagsáforma hefur verið kynnt og var frestur til athugasemda til og með 28.11.2024. Eftirfarandi umsagnir bárust:

Frá Mílu sem gerði engar athugasemdir en óskaði eftir samráði þegar framkvæmdir hefjast; frá Umhverfisstofnun sem bendir á að hafa skuli aðgát vegna vatnshlotsins Ytri-Rangár, að svæðið sé skilgreint sem mikið fuglasvæði og þurfi því að fjalla um það í tillögunni og að vistgerðir á svæðinu gætu orðið í hættu vegna framkvæmda; frá Veitum sem gerði engar athugasemdir; frá Vegagerðinni sem gerði engar athugasemdir; frá Heilbrigðiseftirliti Suðurlands sem gerði engar athugasemdir; frá Landsneti sem gerði engar athugasemdir og frá Skipulagsstofnun sem bendir á að skoða þurfi hvort landið sem tekið er undir sé stærra en þörf krefur og hvort hæfileg fjarlægð sé frá aðlægum landbúnaðarsvæðum og að gera þurfi betur grein fyrir fráveitumálum á svæðinu. Jafnframt barst athugasemd frá LEX lögmönnum fyrir hönd nokkurra nærliggjandi landeigenda sem mótmæla fyrirhugaðri stóraukinni stækkun á núverandi ferðaþjónustusvæði.

Landeigendur að Hrafntóftum óska eftir breytingum á gildandi deiliskipulagi fyrir Hrafnhólma og Hraftóftir 3, sem samþykkt var 8. mars 2023 og birt í B- deild Stjórnartíðinda 18. apríl 2023. Breytingin felst í því að mörkum skipulagsins er breytt þannig að sá hluti deiliskipulagsins sem nær yfir lóðina Móholt 1, land nr. L205150, fellur út. Tillaga var auglýst frá og með 9.10.2024 til og með 27.11.2024.

Umsagnir bárust frá:

Mílu sem gerði engar athugasemdir; frá Umhverfisstofnun sem gerði engar athugasemdir; frá Veitum sem gerði engar athugasemdir; frá Brunavörnum sem benti á skilyrði um öxulþyngd á vegum innan svæðis; frá Vegagerðinni sem gerði engar athugasemdir en bendir á að núverandi vegtenging er ekki góð og vísar til þess að æskilegt sé að notast við tengingu við Bjóluveg; frá Landsneti sem gerði engar athugasemdir; frá Rarik sem gerði engar athugasemdir og frá Heilbrigðiseftirliti Suðurlands sem gerði engar athugasemdir.

Eigandi Tindasels 1 og Tindasels 2 hefur lagt fram deiliskipulag af aukinni starfsemi en nú er á svæðinu. Tilheyrandi breytingar á aðalskipulagi hafa verið auglýstar. Áform gera ráð fyrir móttöku allt að 200 gesta, byggingar hótels og gistiaðstöðu ásamt veitingasölu og að auki bættari aðstöðu fyrir starfsfólk og gistingu fyrir starfsfólk. Tillaga var auglýst frá og með 18.9.2024 til og með 31.10.2024. Tekin er fyrir samantekt umsagna og viðbrögð við þeim. Lögð eru fram uppfærð skipulagsgögn frá Eflu dags. 20.11.2024.

Landeigendur hafa fengið heimild til að leggja fram tillögu að deiliskipulagi fyrir lóð sína, Búð 3, þar sem gert verði ráð fyrir 5 byggingareitum. Gert verði ráð fyrir byggingu íbúðarhúss á fyrsta reitnum næst Háfsveginum og sumarhúsa og tengdum byggingum á hinum. Um landbúnaðarsvæði er að ræða. Lögð er fram tillaga frá Eflu dags. 28.11.2024.

Heimahagi hrossarækt ehf, eiganda Heimahaga L206436, hefur fengið heimild til að leggja fram tillögu að deiliskipulagi af 25 ha svæði úr jörð félagsins undir frístundanotkun. Gert verði ráð fyrir að landnotkun í aðalskipulagi verði breytt samhliða en landið er skráð landbúnaðarsvæði í dag. Áform eru um uppbyggingu fyrir allt að 30 frístundahús. Aðkoman er skilgreind frá Árbæjarvegi nr. 271. Lögð er fram tillaga í formi greinargerðar og uppdráttar frá Landslagi dags. 1.7.2024.

Svæðisskipulag Suðurhálendis 2022-2042 nær yfir hálendishluta sveitarfélaganna Skaftárhrepps, Mýrdalshrepps, Rangárþings eystra, Rangárþings ytra, Ásahrepps, Skeiða- og Gnúpverjahrepps, Hrunamannahrepps, Bláskógabyggðar, og Grímsnes- og Grafningshrepps. Auk þeirra hafa sveitarfélögin Flóahreppur og Árborg tekið þátt í verkefninu. Innviðaráðherra hefur staðfest skipulagið. Lögð er fram fundargerð síðasta fundar ásamt rökstuðningi nefndarinnar til ráðherra. Tillagan er hér einnig lögð fram í síðustu mynd sinni.