Leiklistarnámskeið á Hellu

Svala Norðdahl og Hanna Tara Björnsdóttir stýra leiklistarnámskeiði fyrir 11-15 ára krakka fyrstu 2 vikurnar eftir verslunarmannahelgi. Kennt verður alla virku dagana frá 6.-16. ágúst frá kl. 9-14.

Svala og Hanna Tara voru báðar að ljúka fyrsta ári í söngleikjadeild Söngskóla Reykjavíkur þar sem Svala fór með hlutverk Tallulluh og Hanna með hlutverk Hnúa í uppsetningu á Bugsy Malone í vetur.
Þær hafa tekið virkan þátt í leiklistarstarfi með FSu þar sem fluttur var frumsaminn söngleikur eftir þær og vinkonur þeirra.
Eins hafa þær báðar leikið mikið með Leikfélagi Hvergerðis, þar á meðal Benedikt Búálf og Litlu Hryllingsbúðinni.

Hámarksfjöldi á námskeiðið er 25

Skráning fer fram á: https://www.abler.io/shop/rangarthing

Minnum á að hægt er að nýta frístundastyrkinn.