Þjótandi ehf

Verktakafyrirtækið Þjótandi ehf. á Hellu er eitt af stærri fyrirtækjum á Suðurlandi í jarðvinnu. Í dag er fyrirtækið með um 30 fasta starfsmenn í vinnu sem búa yfir mikilli reynslu og þekkingu. Fyrirtækið hefur yfir að ráða nýlegum tækjakosti, vinnuvélum og vörubílum sem eru endurnýjaðar reglulega. Fyrirtækið var ekki stórt í upphafi, en árið 1991 hóf Ólafur Einarsson eigandi Þjótanda ehf. verkstakastarfssemi í eigin nafni. Þjótandi ehf. var stofnað árið 2001 þannig að í ár fögnum við 30 ára starfsafmæli. Þjótandi ehf. er í allri jarðvinnu, vegagerð, og allri mannvirkjagerð sem tilheyrir jarðvinnu. Við erum sérhæfðir í lagnavinnu, vinnum mikið fyrir veitustofnanir og sveitarfélög við að leggja lagnir, jarðstrengi, hitaveitu og vatnslagnir og ljósleiðarastrengi. Nýlega tók fyrirtækið upp nýja tækni sem kallast klapparfræsari. Það er sög sem sagar fyrir strengjum í klappir. Þetta er nýjung hér á landi í strenglögn, því þá þarf ekki að fleyga fyrir jarðstrengjum í klappirnar sem getur verið mjög tímafrekt og kostnaðarsamt. Þjótandi var fyrsta verktaka fyrirtækið hér á landi sem tók upp þessa tækni. Einnig er fyrirtækið með línubor sem getur borað undir vegi ár og fleirra. Við tökum að okkur að bora undir vegi, getum borað allt að 70 sentimetra rör undir vegi fyrir lögnum. Þjótandi er einnig með bílkrana og sá stærsti er 85 tonn. Fyrirtækið hefur yfir að ráða 3 jarðýtum sérútbúnum með víbraplógum til strenglanga. Við sinnum einnig vetrarþjónustu fyrir sveitarfélög og Vegagerðina með snjómokstur og hálkuvarnir. Ekkert verk er of stórt eða of lítið fyrir Þjótanda. Við sinnum öllu frá smáverkum upp í stærri verkefni og erum með gröfur frá 2 tonnum upp í risagröfur sem eru 60 tonn. Þjótandi vinnur mikið á útboðsmarkaðnum, þar sem fyrirtækið býður í verkefni hjá ýmsum aðilum. Stærsta verkefnið í dag er verkefni fyrir Landsnet og Vegagerðina. Þjótandi ehf. er staðsett á Hellu, en tekur að sér vinnu um allt land.