Framkvæmda- og eignanefnd

Tómas Haukur fór yfir stöðu viðhalds- og framkvæmdamála vegna ársins 2026.

Búið er að ráða verkefnastjóra vegna framkvæmda á Laugalandi og vinna hafin. Framkvæmdaáætlun verður lögð fram á næsta fundi nefndarinnar. Niðurstaða verðkönnunar á gatnahönnun í Bjargshverfi er væntanleg seinni partinn í mars. Undirbúningur er í gangi við að uppfæra leikvelli á Hellu og úrbætur verða gerðar í sumar. Undirbúningur er í gangi varðandi viðhald eigna og gatna. Upplýst er að verið er að vinna áfram að aðgengismálum við Fossabrekkur.

Tómas Haukur fór yfir stöðu framkvæmda vegna byggingu á 2. áfanga við stækkun Grunnskólans á Hellu. Framkvæmdum innanhúss verður að mestu lokið um páska. Samhliða verður unnið að bráðabrigða leikskólalóð og öðrum lóðafrágangi.

Gert er ráð fyrir að leikskólinn geti hafið störf í nýju húsnæði 14. apríl og mötuneytið samhliða. Jafnframt er gert ráð fyrir listgreinastofa grunnskólans geti flutt á svipuðum tíma.

Tómas Haukur fór yfir stöðu framkvæmda vegna byggingu á leikskóla á Hellu.

Lögð fram niðurstaða útboðs fyrir burðarvirki leikskólans. Lagt til að ganga að tilboði Steypustöðvarinnar sem lægstbjóðanda að fjárhæð kr. 366.732.289 sem er um 3% yfir kostnaðaráætlun. Sveitarstjóra falið að ganga frá samningi við lægstbjóðanda. Miðað er við að verkþætti Steypustöðvarinnar verði lokið í lok ágúst.

Tómas Haukur fór yfir stöðu framkvæmda við gervigrasvöllinn á Hellu.

Búið er að klæða utan á lausar kennslustofur við völlinn sem nýttar verða fyrir búnings- og sturtuaðstöðu. Farið verður í innanhússframkvæmdir þegar starfsemi skólans er flutt úr húsnæðinu. Með vorinu verður farið í að bæta innfyllingu fyrir FIFA úttekt og annan yfirborðsfrágang á svæðinu í kringum völlinn.

Lögð fram fyrirspurn frá formanni Umf. Heklu um aðstöðumálum fyrir frjálsar íþróttir fyrir næsta sumar.

Tómas fór yfir ákveðnar hugmyndir að bráðabrigðalausnum. Ákveðið að boða stjórn Umf. Heklu á fund nk. mánudag til að fara yfir málið.

Forstöðumaður eigna- og framkvæmdasviðs fór yfir stöðu málsins.

Útboð um tæmingu rotþróa í Rangárþingi ytra og Rangárþingi eystra fer í auglýsingu á næstu dögum og verða opnuð 16. apríl n.k.

Á fundinn mætir Jón Ragnar Örlygsson, aðstoðarmaður skipulagsfulltrúa, og kynnti stöðu á gagnagrunni á umferðarmerkingum o.fl. á Hellu sem unnið hefur verið aðmeð EFLU. Nefndin leggur áherslu á að hægt verði að nýta grunninn í takt við ákvarðanir nefnda málaflokksins sem fyrst.