Tónlistarskóli Rangæinga bs

Klara Viðarsdóttir fjármálastjóri kynnti rekstur byggðasamlagsins janúar til mars. Reksturinn er í ágætu jafnvægi og í samræmi við fjárhagsáætlun.

Lagt fram til kynningar.

Klara Viðarsdóttir fór yfir framlagðan ársreikning Tónlistarskóla Rangæinga 2023.
Rekstrarniðurstaða skólans var neikvæð á árinu 2023 um 4,9 millj. kr.sem stafar af mestu leyti af hækkun lífeyrisskuldbindinga. Eigið fé í árslok var neikvætt um 59 millj. kr.

Stjórn samþykkti ársreikning samhljóða og undirritaði hann.

Skólastjóri fór yfir stöðu vinnu við skóladagatal næsta skólaárs en gert er ráð fyrir að skóladagatalið verði tilbúið til afgreiðslu í stjórn Tónlistarskólans í lok maí.

Aðstoðarskólastjóri, sem er starfandi skólastjóri í fjarveru skólastjóra, fór yfir ýmis málefni úr starfi skólans.
Fram kom að starfið hafi gengið vel í vetur. Það eru fjórir nemendur sem fara í grunnpróf í vor og einn í miðpróf. Verið er að undirbúa vortónleika sem haldnir verða í maí og skólaslit áætluð 22. maí. Sett var upp sýning með fullorðnum söngnemendum, Disneyþeima, sem fékk góðar viðtökur. Einnig héldu kennarar við skólann tónleika.
Húsnæðismál skólans eru í endurskoðun. Breytingar eru fyrirhugaðar á Hellu vegna viðbyggingar við gunnskólann en tryggja þarf meira rými fyrir tónlistarskólann á Laugalandi. Það eru biðlistar í kennslu á trommur og gítar en almennt eru biðlistar mjög stuttir.