1. grein
Íþrótta- og tómstundanefnd gengst ár hvert fyrir útnefningu á íþróttamanni ársins í Rangárþingi ytra.
2. grein
Íþrótta- og tómstundanefnd sér um undirbúning að vali íþróttamanns ársins. Tilnefningar skulu koma frá öllum íþrótta- og ungmennafélögum í Rangárþingi ytra og einnig frá öðrum félögum innan vébanda ÍSÍ í sveitarfélaginu. Íþrótta- og tómstundanefnd mun auglýsa eftir tilnefningum frá íþrótta- og tómstundafélögum í sveitarfélaginu, en einnig skal almenningi gefinn kostur á að tilnefna íþróttamann ársins.
Með tilnefningu skal fylgja greinargerð um árangur og rökstuðningur fyrir tilnefningu viðkomandi. Skilyrði er að viðkomandi eigi lögheimili í Rangárþingi ytra og sé a.m.k. 16 ára á árinu. Gerð er krafa til þess að íþróttamaðurinn sé góð fyrirmynd innan vallar sem utan.
Skila þarf tilnefningum inn fyrir 15. desember ár hvert. Heilsu-, íþrótta- og tómstundafulltrúi sveitarfélagsins kallar eftir tilnefningum frá félögum og almenningi. Eining má tilnefna aðila sem hefur unnið framúrskarandi vel að íþrótta- og tómstundamálum í sveitarfélaginu.
3. grein
Í janúar mánuði ár hvert er þeim einstaklingum, sem valinn eru íþróttamaður og íþróttakona ársins í Rangárþingi ytra fyrir liðið ár, afhent viðurkenning í samræmi við reglugerð þessa. Á viðurkenninguna skal ritað nafn hins útnefnda íþróttamanns, viðeigandi ártal og skal verðlaunagripurinn vera í vörslu hans það ár sem hann hefur verið valinn. Íþróttamanni ársins er jafnframt veitt viðurkenning til eignar.
4. grein
Faglegt mat á útnefningu og framkvæmd verðlaunaafhendingar skal vera í höndum heilsu-, íþrótta- og tómstundanefndar.
5. grein
Einnig veitt fyrir framúrskarandi árangur eins og t.d. landsliðssæti, Íslandsmeistara- alþjóðlegan titil.
6. grein
Afhending viðurkenninganna skal fara fram með þeirri viðhöfn sem sveitarstjórn í samráði við Heilsu-, íþrótta- og tómstundanefnd ákveður hverju sinni.
7. grein
Reglugerð þessi tekur gildi við samþykkt sveitarstjórnar og skal hún endurskoðuð ár hvert. Hella 6.nóvember 2023.